Kamchatkanyń úsh aýdanyndaǵy jer silkinisinen keıin tsýnamı qaýpi kúsheıdi

ASTANA. KAZINFORM —  Buǵan deıin Kamchatkada Krashenınnıkov janartaýy atqylaǵany habarlanǵan, dep jazady TASS agenttigi.

Tynyq muhıty akvatorııasynda bolǵan aftershoktan (jer silkinisinen keıingi dúmpý) keıin Kamchatkada bıiktigi 19 sm-ge deıin jetetin tsýnamı tolqyndarynyń jaqyndaýy múmkin. Bul týraly Reseı TJM-niń aımaqtyq Telegram-arnasynda habarlandy.

— Kamchatkadaǵy tsýnamıdi baqylaý jáne aldyn alý ortalyǵynyń esepteýlerine sáıkes, Tynyq muhıty akvatorııasynda bolǵan jer silkinisinen keıin Aleýt mýnıtsıpaldy okrýgine — 19 sm-den aspaıtyn, Ýst-Kamchatka mýnıtsıpaldy okrýgine — 15 sm-den aspaıtyn, al Petropavlovsk-Kamchatka qalalyq okrýgine — 3 sm-den aspaıtyn tolqyndardyń jetýi múmkin, — delingen habarlamada.

Buǵan deıin Kamchatkada Krashenınnıkov janartaýy atqylaǵan bolatyn.

— Krashenınnıkov janartaýynyń jarylys túrindegi atqylaýy 2 tamyz kúni UTC boıynsha saǵat 16:50-de (Máskeý ýaqytymen 19:50-de) bastalyp, teńiz deńgeıinen 3–4 km bıiktikke kúl kóterildi. Bul — osy janartaýdyń tarıhtaǵy alǵashqy tirkelgen atqylaýy, — delingen habarlamada.

Kamchatka ólkesiniń TJM málimetinshe, kúldiń kóterilý bıiktigi 6 km-ge deıin jetken. Janartaý úshin avıatsııalyq qaýiptiliktiń qyzǵylt sary (oranjevyı) kody berilgen.

— Kúl shleıfi janartaýdan shyǵys baǵytta, Tynyq muhıty jaǵyna qaraı taralǵan. Shleıftiń taralý jolynda eldi mekender joq. Eldi mekenderde kúl túsýi tirkelmegen. Janartaý mańynda tirkelgen týrıstik toptar joq, — dep naqtylady vedomstvo.

Janartaý Shyǵys janartaýlyq beldeýine jatady, Kronotskoe kólinen ońtústikke qaraı 13 km, al Petropavlovsk-Kamchatskıı qalasynan 200 km jerde ornalasqan. Ol — dıametri 9 km-ge deıin jetetin kaldera ishinde ornalasqan, birneshe janartaý konýsy birigip qalyptastyrǵan kúrdeli qurylym. Ortalyq kalderanyń dıametri 2 km, onyń ishinde bir-birine kiriktirilgen eki konýs bar. Eń kishkentaıynyń bıiktigi — 150 m, krateriniń dıametri — 60 m.

Bul aqparat Kazinform úshin arnaıy TASS agenttiginiń seriktestigi arqyly berilgen.

2025 jylǵy 30 shilde kúni tańerteń Kamchatka jaǵalaýynda qýatty jer silkinisi boldy. Bul — 1952 jyldan bergi eń kúshti jer silkinisi. Bılik ókilderiniń málimetinshe, onyń magnıtýdasy 8,8-ge jetken.

Jer silkinisi Tynyq muhıtynda tsýnamıdiń týyndaýyna sebep boldy. Onyń qaýpi týraly Japonııa, AQSh jáne Fılıppın bıligi de habarlaǵan bolatyn.