Kamchatkanyń shyǵys jaǵalaýynda 6,1 magnıtýdaly jer silkinisi boldy

ASTANA. KAZINFORM — Kamchatkanyń shyǵys jaǵalaýynda, ıaǵnı Eýrazııa qurlyǵynyń soltústik-shyǵys bóliginde ornalasqan Reseı aýmaǵyndaǵy túbekte 6,1 magnıtýdaly jer silkinisi tirkeldi, dep jazady TASS.

Kamchatka jaǵalaýynda 6,1 magnıtýdaly jer silkinisi tirkeldi, turǵyndar 5 ballǵa deıingi dúmpýdi sezindi. Bul týraly aımaqtyq Tótenshe jaǵdaılar departamentiniń baspasóz qyzmeti habarlady.

— Petropavlovsk-Kamchatskıı qalasynan 98 km shaqyrym qashyqtyqta ornalasqan. Tereńdigi — 48 km. Magnıtýdasy — 6,1. Quraldar arqyly alynǵan málimetter boıynsha, óńirdiń túrli aýdandarynda zilzalanyń áseri 5 ballǵa deıin sezilgen, — delingen resmı habarlamada.

Aımaqtyń tótenshe jaǵdaılar jónindegi mınıstri Sergeı Lebedevtiń málimetinshe, tsýnamı qaýpi joq.

Budan buryn 20 qyrkúıekte Kamchatkada bir táýlikte 130-dan astam jer silkinisi tirkelgeni anyqtaldy.