Kamchatkadaǵy janartaý 12 shaqyrym bıiktikke kúl atqylady
ASTANA. KAZINFORM — Kamchatkada 18 shilde kúni tańerteń Shıvelých janartaýy atqylap, kúl 12 shaqyrym bıiktikke deıin kóterildi, dep habarlaıdy TASS.
Basylymnyń málimetinshe, Kamchatka ólkesindegi Shıvelých janartaýy teńiz deńgeıinen shamamen 12 myń metr bıiktikke kúl shyǵarǵan. Bul týraly Reseı ǵylym akademııasynyń Geofızıka qyzmetiniń Kamchatkadaǵy fılıaly «Maks» platformasynda habarlady.
— 18 shilde kúni saǵat 07:17 men 07:32 aralyǵynda (Astana ýaqytymen 09:17–09:32) spýtnıktik derekterge sáıkes, Shıvelých janartaýynda teńiz deńgeıinen shamamen 12 000 metr bıiktikke kúl atqylaýy tirkeldi, — delingen habarlamada.
Shıvelých — Kamchatkadaǵy belsendi janartaýlardyń biri. Ol Eski Shıvelých janartaýynan, ejelgi kalderadan jáne belsendi Jas Shıvelých janartaýynan turady. Janartaýdyń jasy shamamen 60–70 myń jyl. Ol Ýst-Kamchatka okrýgindegi Klıýchı kentinen shamamen 50 shaqyrym, al Petropavl-Kamchatskıı qalasynan 450 shaqyrym qashyqtyqta ornalasqan.
Buǵan deıin Indonezııada Dýkono janartaýy atqylaǵannan keıin 20 týrıst joǵalyp ketkeni týraly jazdyq.
