Kamchatkadaǵy Shıvelých janartaýynan qýatty gaz-bý bólinip, jylý anomalııasy tirkeldi

ASTANA. KAZINFORM — Kamchatkadaǵy Shıvelých janartaýynda qýatty gaz-bý shyǵaryndylary baıqalyp otyr, sondaı-aq janartaýda jylýlyq anomalııa tirkelgen. Bul týraly Kamchatka janartaýynyń atqylaýyn baqylaý toby habarlady, dep jazdy TASS agenttigi.

Mekeme ókilderiniń aıtýynsha, janartaýdyń lavalyq kúmbezi ulǵaıyp kele jatyr, bul úderispen qatar qýatty gaz-bý da bólinip jatyr. Spýtnıktik derekter janartaýda jylýlyq anomalııa bar ekenin kórsetken.

Lavalyq kúmbezdiń bıiktigi 2,5 shaqyrymǵa jetken, al janartaýdyń avıatsııalyq tústik kody «qyzǵylt sary» deńgeıde. Bul janartaýdyń belsendiligi tómen bıiktikte ushatyn áýe kemeleriniń qozǵaltqyshtaryna qaýip tóndirýi múmkin ekenin bildiredi.

Shıvelých – Kamchatkadaǵy belsendi janartaý. Ol Eski Shıvelých janartaýy, kóne kaldera jáne belsendi Jas Shıvelých janartaýynan turady, onyń jasy shamamen 60–70 myń jyl. Janartaý Ýst-Kamchat okrýgindegi Klıýchı eldi mekeninen shamamen 50 shaqyrym, al Petropavl-Kamchatskıı qalasynan 450 shaqyrym qashyqtyqta ornalasqan.

Eske sala ketsek, aqpan aıynyń basynda Kamchatkadaǵy osy janartaý 6 shaqyrym bıiktikke deıin kúl atqylaǵanyn jazdyq.