Kamchatkadaǵy Shıvelých janartaýy teńiz deńgeıinen 10 shaqyrym bıikke kúl atqylady
ASTANA. KAZINFORM — Kamchatka ólkesindegi Shıvelých janartaýy teńiz deńgeıinen 10 shaqyrym bıiktikke deıin kúl atqylady. Bul týraly Reseı ǵylym akademııasynyń Biryńǵaı geofızıkalyq qyzmeti federaldyq zertteý ortalyǵynyń Kamchatka fılıaly habarlady.
– Spýtnıktik derekterge sáıkes, Shıvelých janartaýy shamamen teńiz deńgeıinen 10 000 metr bıiktikke kúl shyǵardy, — delingen habarlamada.
Shıvelých — Kamchatkadaǵy belsendi janartaýlardyń biri. Ol Eski Shıvelých janartaýynan, ejelgi kalderadan jáne belsendi Jas Shıvelých janartaýynan turady. Mamandardyń málimetinshe, onyń jasy shamamen 60–70 myń jyl.
Janartaý Ýst-Kamchatsk okrýgindegi Klıýchı kentinen shamamen 50 shaqyrym, al Petropavl-Kamchatskıı qalasynan 450 shaqyrym qashyqtyqta ornalasqan.
Mamandar Shıvelýchtyń atqylaýy tómen bıiktikte ushatyn ushaqtar úshin qaýip tóndiretinin atap ótti.
Aıta keteıik, buǵan deıin Shıvelých janartaýynan qýatty gaz-bý bólinip, jylý anomalııasy tirkelgenin jazdyq.
Al aupan aıynyń basynda osy Shıvelých janartaýy 6 shaqyrym bıiktikke deıin kúl atqylaǵany habarlanǵan.
