Kamchatkadaǵy Shıvelých janartaýy 6 shaqyrym bıiktikke deıin kúl atqylady
ASTANA. KAZINFORM – Kamchatkadaǵy Shıvelých janartaýy jeksenbi kúni kúndiz teńiz deńgeıinen 6 shaqyrym bıiktikke deıin kúl atqylady. Bul týraly Reseı Ǵylym akademııasynyń Qıyr Shyǵys bólimshesine qarasty Výlkanologııa jáne seısmologııa ınstıtýty Telegram-arnasynda habarlady.
Kamchatka janartaýlar atqylaýyna den qoıý toby málimetinshe, janartaýdyń atqylaýy jalǵasyp jatyr.
Jarylys saldarynan kúl bultynyń bıiktigi 6 shaqyrymǵa jetip, batys–soltústik-batys baǵytta shamamen 70 shaqyrymǵa taralǵan. Osyǵan baılanysty Shıvelýchke avıatsııalyq qaýiptiń «qyzǵylt sary» deńgeıi berildi.
Shıvelých – Kamchatka túbegindegi Shyǵys jotasy aýmaǵynda ornalasqan belsendi janartaý. Ol Reseı Federatsııasynyń Kamchatka ólkesindegi eń soltústik núktesindegi janartaýlardyń biri sanalady. Ol jerden Petropavl-Kamchatskıı qalasyna deıingi qashyqtyq shamamen 440 shaqyrymdy quraıdy.
Shıvelýchtyń eń qýatty atqylaýlarynyń biri 1964 jylǵy 12 qarashada tirkelgen. Ol kezde janartaý 15 shaqyrym bıiktikke deıin kúl atqylap, laı men janartaý jynystarynyń aǵyndary 20 shaqyrymǵa deıin taraǵan bolatyn.
Aıta keteıik, jaqynda Kamchatkada tsıklonnan keıin keıbir úılerdi qar basyp qalǵan.