Kamchatkadaǵy Shıvelých janartaýy 5,5 km bıiktikke kúl atty
ASTANA. KAZINFORM – Kamchatkadaǵy Shıvelých janartaýy 5,5 km bıiktikke deıin kúl shyǵardy. Atqylaýdyń jalǵasýyna baılanysty avıatsııa úshin «qyzǵylt sary» qaýip deńgeıi belgilendi, dep habarlaıdy Anadolu agenttigi.
Bul týraly Reseı memlekettik aqparat quraldary Reseı Ǵylym akademııasy Qıyr Shyǵys bóliminiń Výlkanologııa jáne seısmologııa ınstıtýtyna qarasty Kamchatka janartaýlarynyń atqylaýyn baqylaý tobynyń (KVERT) málimetine súıenip habarlady.
Janartaý atqylaýy kezinde kúl 5,5 km bıiktikke kóterilip, kúl bulty Shıvelýchten shyǵysqa qaraı jyljyǵan.
Shıvelýchte qýatty gaz-býly belsendilikpen qatar júretin atqylaý jalǵasyp jatyr. Janartaýdyń lava kúmbeziniń soltústik bóliginde jańa lava blogy ósýde.
Ǵalymdardyń aıtýynsha, kez kelgen ýaqytta kúldiń 12 km bıiktikke deıin kóterilýi múmkin.
Shıvelých – Kamchatkadaǵy eń soltústikte ornalasqan belsendi janartaý. Ol Ýst-Kamchatsk okrýgindegi shamamen 5 myń adam turatyn Klıýchı eldi mekeninen 45 km qashyqta ornalasqan.
Aıta keteıik, buǵan deıin Kamchatkadaǵy Klıýchevskaıa sopka janartaýy 6 shaqyrym bıiktikke kúl atqylaǵanyn jazdyq.
