Kamchatkadaǵy Shıvelých janartaýy 11 shaqyrym bıiktikke kúl shashty
ASTANA. KAZINFORM — Kamchatkadaǵy Shıvelých janartaýy 11 shaqyrymǵa deıin kúl atqylady. Bul týraly Reseı Ǵylym akademııasynyń Geofızıka qyzmetiniń óńirlik fılıaly habarlady, dep jazady TASS.
— Kúldiń bıiktigi teńiz deńgeıinen shamamen 11 myń metrge jetti, — delingen habarlamada.
Klıýchı eldi mekenindegi výlkanostantsııanyń basshysy ıÝrıı Demıanchýktyń aıtýynsha, kúldiń atqylaýy janartaýda jańa lavalyq kúmbezdiń ósýine baılanysty bolýy múmkin.
Shıvelých — Kamchatkadaǵy belsendi janartaý. Onyń jasy 60–70 myń jyl dep baǵalanady. Janartaý Eski Shıvelých, ejelgi kaldera jáne belsendi Jas Shıvelých bólikterinen turady.
Shıvelých Ýst-Kamchat aýdanyndaǵy Klıýchı eldi mekeninen shamamen 50 shaqyrym, Petropavl-Kamchatskııden 450 shaqyrym qashyqta ornalasqan.
Aıta keteıik, buǵan deıin Shıvelých janartaýy 5,5 shaqyrym bıiktikke deıin kúl shyǵarǵan bolatyn. Osyǵan baılanysty avıatsııa úshin «qyzǵylt sary» qaýip deńgeıi belgilengen edi.
