Kamchatkada joǵalǵan Mı-8 tikushaǵy apatqa ushyrady

ASTANA. KAZINFORM – Kamchatkada bir kún buryn joǵalyp ketken Mı-8 tikushaǵy apatqa ushyrady. Qutqarýshylar onyń synyqtaryn áýeden tapqan. Bul týraly TASS agenttigine Reseı Tótenshe jaǵdaılar mınıstrliginiń baspasóz qyzmeti habarlady.

«Joǵalǵan tikushaqtyń qaldyqtary áýeden tabyldy. Ol 900 m bıiktikte, sońǵy ret baılanysqa shyqqan jerine jaqyn ornalasqan», - dep habarlady baspasóz qyzmeti.

Buǵan deıin habarlanǵandaı, keshe Kamchatkada «Vıtıaz-Aero» áýe kompanııasynyń Mı-8 tikushaǵy joǵalyp ketti. Áýe kóligi federaldy agenttiginiń málimeti boıynsha, bortta barlyǵy 22 adam: 3 ekıpaj múshesi jáne 19 jolaýshy bolǵan.