Kamchatkada jer silkinisine baılanysty tótenshe jaǵdaı rejımi engizildi
ASTANA. KAZINFORM – 30 shildede bolǵan jer silkinisine baılanysty Kamchatkadaǵy birneshe eldi mekende tótenshe jaǵdaı rejımi jarııalandy, dep habarlaıdy TASS.
Bul týraly óńirdiń Tótenshe jaǵdaılar jónindegi bas basqarmasy málimdedi.
— Kamchatka ólkesi gýbernatorynyń ókimine sáıkes, 30.07.2025 kúni oryn alǵan kúshti seısmıkalyq oqıǵaǵa jáne ǵımarattar men qurylystardyń jaǵdaıyn baǵalaý qajettiligine baılanysty Kamchatka aýmaqtyq RSChS júıesiniń kúshteri men quraldary úshin «Tótenshe jaǵdaı» rejımi engizildi, — delingen habarlamada.
30 shildede Kamchatka jaǵalaýynda qýatty jer silkinisi boldy. Bul aımaqta 1952 jyldan beri tirkelgen eń kúshti silkinis sanalady. Bılik málimetinshe, onyń magnıtýdasy 8,8-ge jetti. Kamchatkada joǵary daıyndyq rejımi jarııalandy.
Kúshti jer silkinisi Soltústik Kýrılsk qalasynda da sezildi. Silkinis Tynyq muhıtynda tsýnamıdiń paıda bolýyna sebep boldy. Onyń qaýpi týraly Japonııa, AQSh jáne Fılıppın bıligi eskertý jasady.
Aıta ketelik jer silkinisinen keıin Kamchatkanyń bir bóligi shamamen 2 metrge jyljyǵan edi.