Kamchatkada janartaýdan atqylaǵan kúl 7 shaqyrym bıiktikke jetti
ASTANA. QazAqparat - Kamchatkadaǵy Shıvelých janartaýynan atqylaǵan kúl teńiz deńgeıinen 7 shaqyrym bıiktikke deıin jetti.
Reseıdiń Kamchatka ólkesi boıynsha TJM habarlaýynsha, aspandy torlaǵan kúl aralas qara tútin janartaýdan ońtústik shyǵys baǵytqa qaraı jaıylǵan. Ázirge eldi mekender kúlden aman.
Shıvelých - 5 myń adam tirshilik keship jatqan Ýst-Kamchatka aýdanyndaǵy Klıýchı kentinen nebári 45 shaqyrym qashyqtyqta ornalasqan. Tútindep jatqan janartaýdyń belsendiligi 2009 jyldyń mamyrynan bastap baıqalǵan edi.
