Kamchatkada ushaq apatynan qaza tapqandardyń denecin sýdan shyǵara bastady
KAMChATKA. TASS-QazAqparat – Reseıde qutqarýshylar Kamchatkada An-26 ushaǵynyń qulaýynan qaza bolǵandardyń denesin tapty, dep habarlaıdy QazAqparat TASS agenttigine silteme jasap.
«Máıitter sýdan shyǵarylýda, dál qazirgi ýaqytta. Olardyń sany boıynsha jaǵdaı ýaqyt saıyn ózgerip jatyr», - dedi aımaq basshysy Vladımır Solodov.
Solodov oqıǵa ornynda sot-medıtsınalyq sarapshylar jumys istep jatqandyǵyn qosyp ótti. «Olar sheshimderdi protsedýralarǵa baılanysty qabyldaıdy. Aýa raıy múmkindik týdyrsa, oqıǵa ornyna Petropavldan Tergeý komıteti tergeý basqarmasynyń sot-medıtsınalyq saraptamasy ushyp shyǵady», - dedi Solodov.
Ólkeniń úkimettik komıssııasy apat bolǵan jerge Máskeý komıssııasy ókilderi Petropavl-Kamchatskııge kelgen kezde ushyp shyǵady. Múrdelerdi tasymaldaý boıynsha jumysty tolyq kólemde uıymdastyramyz: qajettilik týyndasa, múrdelerdi Petropavl nemese Palanaǵa jetkizý qolǵa alynady», - dedi Solodov.
Eske sala keteıik, 6 shildede Reseıdiń Kamchatka óńirinde 28 adam mingen ushaq apatqa ushyrap, jolaýshylar túgel qaza tapty.
Qasym-Jomart Toqaev ushaq apatyna baılanysty Vladımır Pýtınge kóńil aıtty.
