Kamchatkada týrıster sırek kezdesetin erekshe tústi aıý tabyldy
ASTANA. QazAqparat - Reseıdiń Kamchatka ólkesinde erekshe ashyq tústi, surǵylt aıý Internet juldyzyna aınaldy. Jelide Kamchatkada Bystraıa ózenine sýǵa túsýge kelgen týrıster eki qonjyǵyn ertip (bireýiniń túsi appaq ekinshisi qońyr) bara jatqan kirekeıdi (aıýdyń analyǵy) túsirgen sýretter men vıdeorolıkter paıda boldy, dep habarlaıdy reseılik TASS agenttigi.
«Men 40 jyldan beri qoryqta aıýlardy baqylaýshy bolyp jumys isteımin. Mundaı tústi aıýdy alǵash kórýim. Ol albınos emes, árıne, sebebi onyń murnynyń túsi qyzǵylt emes, qara. Ózi appaq», - dedi Kronotskıı qoryǵynyń aǵa ǵylymı qyzmetkeri Aleksandr Nıkanorov.
Ǵalymnyń aıtýynsha, aıýdyń jasy úshke tolǵan. Ol jýyrda jeke ketip, óz urpaǵyn kóbeıtýge kirisedi, onyń erekshe aq túsi urpaqtarynda jalǵasýy múmkin.
Bul ólkede arktıkanyń aq aıýy da kezdesedi, alaıda týrıster bul joly sırek tústi qońyr aıýdy jolyqtyrdy. Ádette Kamchatkadaǵy qońyr aıýlar túsi qońyr nemese ashyq sarǵylt reńkte bolady.
