Kamchatkada týrıster mingen tikushaq apatqa ushyrady
ASTANA. Sáýirdiń 10-y. QazAqparat - Kamchatkada Mı-8 tikushaǵy apatqa ushyrady. Onyń bortynda ekıpajdyń úsh múshesi jáne 15 jolaýshy bolǵan. Apat Petropavlovsk-Kamchatsk qalasynyń soltústik-batysyna qaraı 70 shaqyrymdaı jerde, Elızovo poselkesine jaqyn jerde oryn alǵan. Bul týraly RBK agenttigi «Reseı avıatsııa» agenttigine silteme jasap habarlady.
«Kamchatka áýe jelisi» kompanııasyna qarasty tikushaq máskeý ýaqyty boıynsha saǵat 3.27-de Avachınskoe tikushaq jaıynan ushyp shyqqan, belgilengen ýaqytta ekıpaj baqylaý radıobaılanysyna shyqpaǵan.
Іzdestirý jáne qutqarý operatsııasynyń barysynda tikushaq qar basyp qalǵan taý eteginen tabyldy. Aldyn-ala derekter boıynsha, 9 adam aýrýhanaǵa túsken, alty adam áli qardyń astynda. Іzdeý sharalary jalǵasýda.
