Kamchatkada taǵy da jer silkinisi boldy – tsýnamı qaýpi bar

ASTANA. KAZINFORM — Kamchatka túbegindegi eldi mekenderde jer silkinisi sezildi, dep habarlaıdy Kazinform agenttigi FITs EGS RAN Kamchatka fılıalyna silteme jasap.

Jer silkinisi Petropavl-Kamchatskıı qalasynan 123 shaqyrym qashyqtyqta, 46,8 km tereńdikte tirkeldi. Magnıtýdasy – 6,3 ball.

Kamchatkadaǵy tsýnamıdi baqylaý jáne eskertý ortalyǵynyń esepteýlerine sáıkes, Tynyq muhıty akvatorııasynda bolǵan bul zilzaladan keıin tsýnamı tolqyndarynyń kelýi múmkin.

Boljam boıynsha:

• Aleýt mýnıtsıpaldy okrýgine – tolqyn bıiktigi 26 sm-den aspaıdy

• Ýst-Kamchatsk mýnıtsıpaldy okrýgine – 37 sm-ge deıin

• Petropavl-Kamchatskıı qalalyq okrýgine – 9 sm-ge deıin

• Sondaı-aq Maıachnyı múıisi men Halaktyr jaǵajaıy mańynda 120 sm-ge deıingi tolqyndar bolýy múmkin.

Reseıdiń Tótenshe jaǵdaılar mınıstrligi kelesini eskertedi:

• Tolqyndardyń bıiktigi asa úlken emes, degenmen jaǵalaýdan alystaý qajet

• Eshqashan jaǵaǵa baryp, tsýnamıdi kórýge tyryspańyz! Bul óte qaýipti bolýy múmkin

• Jaǵalaýdaǵy kemelerge, ashyq reıdte turǵan nemese keń kireberisi bar shyǵanaqtardaǵy kemelerge 50 metrlik ızobata sheginen tysqary – ashyq muhıtqa shyǵýǵa keńes beriledi. Baǵyt – jaǵalaýǵa perpendıkýlıar bolýy tıis.

30 shilde kúni Kamchatka mańynda óte kúshti jer silkinisi tirkelgen bolatyn – bul 1952 jyldan beri eń iri zilzala. Magnıtýdasy 8,8 ballǵa jetken. Sol kezde Kamchatkada joǵary daıyndyq rejımi engizilip, jer silkinisi Soltústik Kýrılsk aımaǵynda da qatty sezilgen.

Jer silkinisiniń saldarynan Tynyq muhıtynda tsýnamı paıda boldy, oǵan baılanysty Japonııa, AQSh jáne Fılıppın bıligi de qaýip jarııalaǵan edi.