Kamchatkada Klıýchevsk janartaýy qaýip týǵyzýy múmkin
ASTANA. QazAqparat - Kamchatkada Klıýchevsk janartaýynyń belsendiligi artyp barady. Bul týraly jergilikti seısmostansa habarlady, dep jazady TASS.
«Qazir Ýst-Kamchatski aýdanynda qar aralas jańbyr jaýyp tur. Janartaýdy qalyń bult japqan. Onyń jaǵdaıyn kózben baqylap, baǵa berý múmkin emes. Alaıda, seımsostansa derekteri janartaý silkinisiniń ulǵaıǵanyn kórsetedi», - dep habarlady agenttikten.
Onyń aıtýynsha, janartaýdan 30 shaqyrym jerde ornalsqan Klıýchı kentine jaqyn mańda kúshti gýil estiledi.
Turaqty baqylaý jasalynyp otyr. Sınoptıkterdiń boljamynsha, 8-9 qańtarda bult seıilip, vızýaldy baqylaýǵa múmkindik týady. Janartaý bıiktigi teńiz deńgeıinen 4 750 m. Ol - ǵalamshardaǵy eń belsendi janartaýlardyń biri.
