Kamchatkada bir táýlikte 130-dan astam jer silkinisi tirkeldi

ASTANA. KAZINFORM – Kamchatkada magnıtýdasy 3,7-den 7,8-ge deıingi 130-ǵa jýyq after silkinis tirkeldi. Aımaqta tabıǵı tótenshe jaǵdaı jarııalandy, dep jazady TASS.

– Keıingi 24 saǵat ishinde magnıtýdasy 3,7-den 7,8-ge deıingi 132 dúmpý boldy. Onyń 29-yn oblys turǵyndary sezdi. Oblys gýbernatorynyń sheshimimen aımaqta tabıǵı tótenshe jaǵdaı jarııalandy, - dep habarlady Reseı Tótenshe jaǵdaılar mınıstrliginiń Kamchatka óńirindegi bólimshesi.

Málimdemede ǵalymdardyń Kambal janartaýynyń belsendiligin tirkegeni jáne týrısterge odan aýlaq júrýge keńes berilgeni aıtylǵan.

Sonymen qatar Bezymıannyı, Shıvelých, Klıýchevskoı, Karym jáne Krashenınnıkov janartaýlarynyń belsendi atqylaýy jalǵasyp jatyr.

– Oblys turǵyndary men qonaqtaryna da osy aımaqtardan aýlaq júrýge keńes beriledi, - dep atap ótti agenttik.

Eske sala keteıik, budan buryn Kamchatkanyń shyǵys jaǵalaýynda 7,7 magnıtýdaly jer silkinisi tirkelgenin jazǵan edik.