Kamchatkada aıý balyqshyny jep ketti
ASTANA. 3 qazan. QazAqparat - Kamchatkanyń soltústiginde aıý balyqshyny óltirgen. 67 jastaǵy er adamnyń denesi Tıgıl kentine jaqyn jerden tabyldy.
Birneshe kún buryn zeınetker salt atqa minip, aýyldan 50 shaqyrym jerdegi Amanıno ózeniniń saǵasyna balyq aýlaýǵa ketip, qaıtyp oralmaǵan. Bul týraly polıtseılerge qaza bolǵan adamnyń aýyldasy aıtqan. Onyń sózine qaraǵanda, at úıge ıesiz qaıtyp kelgen.
ІІM málimetteri boıynsha, ólgen adamnyń denesinen jyrtqysh ańnyń tisi jáne tyrnaqtaryniń izi tabylǵan. Aıý zeınetkerdiń denesin jarym-jartylaı jep qoıǵan.
