Kamchatka jaǵalaýynda bir saǵat ishinde segiz jer silkinisi tirkeldi

ASTANA. KAZINFORM — Kamchatkadaǵy Reseı ǵylym akademııasynyń Birikken geofızıkalyq qyzmetiniń fılıaly Telegram-arnasynda túbek jaǵalaýynda birqatar jer silkinisi bolǵanyn habarlady.

Jerasty dúmpýleriniń magnıtýdasy 4,5 pen 6,7 aralyǵynda boldy.

30 shildede Kamchatka ólkesinde 1952 jyldan bergi eń kúshti jer silkinisi tirkeldi. Túrli málimetterge sáıkes, onyń magnıtýdasy 8,7-ge jetken. Soltústik Kýrılsktiń jaǵalaý aımaǵyna tsýnamı soqqy berdi. Sonymen qatar, tynyqmuhıttyq aımaqtaǵy birqatar elderde tsýnamı qaýpi jarııalandy.

Chılıde tolqyndardyń bıiktigi 2,5 metrge deıin jetti. Japonııada shamamen 2 mıllıon adamǵa evakýatsııalanýǵa jóninde keńes berildi. Gavaı araldarynda 1,2 metrge deıingi tolqyndar tirkeldi.

Budan buryn habarlanǵandaı, Jańa Zelandııa parlamentiniń depýtattary Kamchatkadaǵy jer silkinisinen keıingi tsýnamı týraly eskertýge baılanysty otyrysty toqtatýǵa májbúr boldy.