Kamchatka turǵyny urlanǵan kólikte úsip óldi
ASTANA. QazAqparat- Kamchatka turǵyny tanysynan urlap ketken kólikpen omby qarǵa batyp qalyp, shyǵa almaı, úsip qalǵan.
Bul týraly lenta.ru habarlady.
Oqıǵa Ýst-Bolsheretsk aýdanynda oryn alǵan. Senbi keshke, 17 qańtarda jergilikti turǵyn Ýst-Bolsheretsk kentine jaqyn jerdegi tas jolda Nissan Sunny kóligin baıqaǵan. Іshinde úsip qalǵan eki er adam bolǵan, dep habarlady ІІB ólkelik basqarmasynyń baspasóz qyzmetinen.
Oqıǵa ornyna polıtseıler, dárigerler, men aýyldyq ákimshilik ókilderi jetti. Tekserý barysynda 25 jastaǵy jumyssyz, Oktıabrskıı kentiniń turǵyny tanysynan Nissan kóliginiń kiltin urlap, 32 jastaǵy tanysymen kólikpen qydyryp qaıtpaqshy bolǵany anyqtaldy. «Aýyldan shyǵa bere kólik omby qarǵa batyp qalady. Er adamdar ony qar qursaýynan bosatyp almaq bolyp tyrysady, ol ońaıǵa soqpaǵan soń, demalmaqshy bolyp salonǵa kirip, uıyqtap qalady», - delingen habarlamada. Saldarynan 25 jastaǵy er adam denesi muzdap, qaza tapsa, onyń dosy aýdandyq aýrýhanaǵa jetkizildi.
Bolǵan oqıǵa faktisi boıynsha tekserý júrgizilýde.
