Kamchatka taýynda kóz jumǵan týrıster sany 9-ǵa jetti
«Sársenbi kúni tańerteń ushaq janartaýǵa qaraı ushty. Ushqyshtar kólikti 4158 m bıiktikke kóterip, qaza tapqandardyń denesin alyp, Klıýchıge jetkizdi, sodan keıin qaıtadan shyńǵa shyǵyp, operatsııaǵa qatysqan qutqarýshylardy alyp ketti», - delingen habarlamada.
Belgili bolǵandaı 10 týrıst pen eki gıdten turatyn top 30 tamyzda saıahatqa shyqqan. 3 qyrkúıekte toǵyz adam Klıýchevskaıa shoqysy janartaýyna kóterilip, úsheýi 3300 m bıiktiktegi lagerde qalǵan. Janartaýǵa kóterilý kezinde alty týrıst kóz jumdy, keıin qaza bolǵandar sany toǵyzǵa deıin ósti.
Aldyn ala málimet boıynsha, týrıstermen birge tómende qalǵan gıd joldastaryna kómektesý úshin óz betinshe kóterilýge árekettengen, nátıjesinde olardyń qoldary men aıaqtaryn úsik shalǵan.
Reseıdiń Kamchatka ólkesi boıynsha Tergeý komıteti eki nemese odan da kóp adamnyń ólimine ákep soqtyrǵan qaýipsizdik talaptaryna saı kelmeıtin qyzmet kórsetý boıynsha ekskýrsııa uıymdastyrǵan kompanııa basshysy men nusqaýshysyna qarsy eki qylmystyq is qozǵady. Týrıstik fırma dırektory ustaldy, tiri qalǵan gıd emdelip jatyr.
Klıýchevskaıa shoqysy - Eýrazııadaǵy eń joǵary belsendi janartaý. Onyń bıiktigi 4,800 m. Ondaǵy taý jynystary janartaý atqylaýlarynan bylqyldaq bolǵandyqtan, órmeleý óte qaýipti.
Buǵan deıin Reseıdiń Kamchatka aımaǵynda ornalasqan Klıýchevskaıa shoqysy janartaýyna shyǵý kezinde alty adam kóz jumǵanyn habarlaǵan bolatynbyz.
