Kambodjadaǵy ný ormannan joǵalǵan qala tabyldy
ASTANA. QazAqparat - Avstralııalyq arheologtar qashyqtyqtan zondtaýdyń zamanaýı tehnologııalarynyń kómegimen Kambodjada 1 200 jyldyq qalany tapty.
Sıdneı Ýnıversıteti janyndaǵy arheologııalyq ǵylymı-zertteý ortalyǵynyń dırektory Damıan Evans jáne bir top ǵalymdar Sıem Rıp oblysy aýmaǵynda jumys istep jatyr. Olar Kambodjanyń shalǵaıdaǵy ný ormandarynda lıdar lazerlik tehnologııasyn paıdalanýǵa ruqsat aldy.
«Bul quraldyń kómegimen buryn bilmegen qalanyń sýretin kórdik», - dedi Evans.
Ol Pnom Kýlen taýynda salynǵan, keıin joǵalyp ketken ortaǵasyrlyq Mahendraparvat qalasyn izdeý kezinde tabyldy.
Lıdar málimetterin paıdalanǵan arheologtar toby buryn belgisiz bolǵan bes ǵıbadathananyń qıraǵan úıindisin, alyp Býdda músinin, kóne kanaldar, joldar, júzdegen dóńdi tapty.
