Kambodjada pil súıekteri rekordtyq kólemde tárkilendi
ASTANA. QazAqparat - Kambodjanyń kedendik qyzmeti óziniń tarıhynda pil súıekteriniń eń iri kontrabandasynyń jolyn kesti.
Sheneýnikterdiń málimdeýinshe, úsh tonnaǵa jýyq zańsyz júk anyqtaldy. Sıanýkvıl portyndaǵy keden ókiliniń aıtýynsha, qazirgi kezde kontrabandalyq júktiń negizgi baǵytyn anyqtaý boıynsha tergeý amaldary bastaldy. Jergilikti BAQ-tyń málimetterine qaraǵanda, konteıner Malaızııadan jóneltilgen kórinedi.
Óz kezeginde ekologtar Kambodja Vetnam men Qytaı satyp alýshylary úshin afrıkalyq pil súıekteriniń kontrabandasy turǵysynda iri kóliktik torapqa aınalyp bara jatqanyna alańdaýshylyq bildirdi.
1989 jyly Afrıkada joıylyp bara jatqan pilderdi qorǵaý úshin pil súıekteriniń halyqaralyq saýdasyna tyıym salynǵan bolatyn. Atap aıtqanda, pildiń azýy áshekeıler óndirisinde paıdalanylady.
