Kambodjada parlament saılaýynda daýys berýshiler sany 75%-dan asyp ketken
ASTANA. QazAqparat - Ótken jeksenbide Kambodja Ulttyq assambleıasynyń (parlamenttiń tómengi palatasy) saılaýynda daýys berýshilerdiń qatysýy 75%-dan asqan. Bul týraly jýrnalısterge Kambodja aqparat mınıstri Khıeý Kanıaryt málim etti, dep habarlaıdy TASS.
«15:00-de barlyq saılaý ýchaskeleri jabylǵannan keıin alynǵan resmı emes nátıjeler boıynsha, saılaýǵa qatysqandar sany 75,04%-dy quraǵan", - dedi mınıstr.
Kambodjanyń qazirgi tarıhynda altynshy ret ótip jatqan Ulttyq assambleıa saılaýyna 20 jergilikti partııa qatysty. Kóp daýys jınaǵan saıası kúsh koroldiktiń jańa mınıstrler kabınetin qurady.
Kambodja ortalyq saılaý komıssııasynyń deregine sáıkes, koroldiktegi 16 mln halyqtyń arasynan 8,38 mln azamat qazirgi saılaýda daýys berýge quqyly.
