Kambodjada Ońtústik-Shyǵys Azııa elderi qaýymdastyǵynyń ekonomıkalyq forýmy bastaldy
ASTANA. QazAqparat - Ońtústik-Shyǵys Azııa elderi qaýymdastyǵynyń turaqty ekonomıkalyq damýdy qalyptastyrý jáne odan keıingi ósýine ekonomıkalyq jáne geosaıası yqpaly - Dúnıejúzilik ekonomıkalyq forýmda qaralatyn basty taqyryptardyń biri.
Beısenbi kúni Kambodja astanasy Pnompende «Jastar, tehnologııalar jáne ekonomıkalyq ósý» taqyrybyndaǵy konferentsııa ashyldy, dep habarlaıdy TASS agenttigi.
Atalmysh ekonomıkalyq forým bıylǵy jyly Qaýymdastyqtyń qurylǵanyna 50 jyl tolýyna oraı uıymdastyrylyp otyr. Buǵan qatysýǵa kelgen delegattar sany 800-ge jýyq, olardyń qataryndaǵy memleket basshylary, jetekshi saıasatkerler, ekonomıster, ǵalymdar jáne halyqaralyq deńgeıdegi iri bıznes ókilderi Azııa elderindegi turaqty ekonomıkalyq damýdy qalyptastyrý máselelerin talqylaıdy.
