Kambodjada egde jastaǵy azamatty 40 qoltyraýyn julmalap tastaǵan
PNOM PEN. QazAqparat – Soltústik Kambodjada qoltyraýyn ósiretin fermer olardyń qaýmalyna qulap ketip, ony 40 reptılııa talap tastaǵan, dep habarlaıdy QazAqparat BBC News agenttigine silteme jasap.
Lýan Nam esimdi qaza tapqan azamat jumyrtqasyn tastap bara jatqan qoltyraýyndy tordan shyǵaryp almaq bolǵan, jyrtqysh onyń taıaǵynan tartyp, qaýmaldyń ishine qulatyp jibergen, dep habarlady polıtsııa.
«Basqa qoltyraýyndar oǵan tap berip, jany shyqqansha talaǵan», - dedi AFP agenttigine jergilikti polıtsııa ókiliniń basshysy Meı Savrı.
Oqıǵa juma kúni Sıem Rıp qalasyna jaqyn mańda bolǵan.
72 jastaǵy fermerdiń denesiniń bári tistelgen, bir qoly joq boldy.
Ol qoltyraýyn ósiretin jergilikti fermerler qaýymdastyǵynyń prezıdenti bolatyn.
Bul Ońtústik-Shyǵys Azııa elinde bolǵan alǵashqy jaǵdaı emes. 2019 jyly álemge tanymal Angkor-Vat hramyna jaqyn mańdaǵy aýdanda osy sekildi fermada eki jasar qyzdy koltyraýyndar jep qoıǵan.
Kambodjada qoltyraýyndardy jumyrtqasy, terisi men etin paıdalaný úshin ósiredi.
