Kambodjada avtobýs ózenge qulap, 13 adam qaza tapty
ASTANA. KAZINFORM — Kambodjanyń ortalyq bóligindegi Kampongthom provıntsııasynda beısenbi kúni tańerteń avtobýs kópirdegi qorshaýǵa soǵylyp, ózenge qulaǵan. Kólik apaty saldarynan 13 adam qaza taýyp, 20-dan astam adam zardap shekti, dep habarlaıdy ABC News.
Avtobýs Angkor-Vat ǵıbadathanalyq kesheni ornalasqan Sıemrealdan el astanasy Pnompenge qaraı kele jatyp, Kampongthom ortalyq provıntsııasynda tańsáride apatqa ushyraǵan. Bul týraly aýdan polıtsııasynyń orynbasary Sıv Sovanna habardar etti.
Onyń aıtýynsha, avtobýstyń ishindegi barlyq jolaýshylar Kambodja azamattary.
Death toll rises to 16 in bus crash in Kampong Thom province. https://t.co/6TTKOdjMSc pic.twitter.com/hcSdVowrQL
— Noan Sereiboth (@noansereiboth) November 20, 2025
Sıv Sovannanyń sózine súıensek, tergeý anyqtaǵandaı, júrgizýshiniń Sıemreaptan túnde shyqqanda-aq uıqysynyń shala bolǵany anyqtalǵan, al bul jol ádette shamamen bes jarym saǵatqa sozylady. Aýdan polıtsııasynyń orynbasary júrgizýshiniń qaza tapqandar qatarynda bar, ne joq ekenin naqtylamady.
យ៉ាងហោចណាស់មនុស្ស១៣នាក់បានស្លាប់ក្នុងគ្រោះថ្នាក់ចរាចរណ៍រថយន្តមួយក្នុងស្រុកសន្ទុក ខេត្តកំពង់ធំ វេលាប្រមាណ៤ព្រឹកថ្ងៃព្រហស្បតិ៍ ទី២០ វិច្ឆិកានេះ pic.twitter.com/N4ECpNglT3
— Post Khmer (@postkhmer) November 20, 2025
Atalǵan avtobýsta shamamen 40 jolaýshy bolǵan dep boljanyp otyr, al beısenbi kúni qutqarýshylar ózge de qurbandardy izdeýdi jalǵastyrdy.
Sıv Sovannanyń aıtýynsha, qaza tapqandardyń denesi apat bolǵan jerge jaqyn aýrýhanada týystary alyp ketkenshe saqtalady.
Buǵan deıin habarlanǵandaı, Perýdiń ońtústigindegi Arekıpa qalasynyń mańynda jolaýshylar avtobýsy jardan qulap, keminde 37 adam qaza tapqan edi.