Kambodjada adam aıaǵynyń astynda qalyp qaza tapqandar sany 340 adamǵa jetti
ASTANA. 23 qarasha. QazAqparat - Kambodja astanasy Pnompen qalasynda qalyń adam tobynyń ishinde qaza tapqandar sany 340 adamǵa jetti. Oqıǵa Sý baıqaýyn (Sýdyń keri aınalyp aǵýy) toılaý barysynda Tonlesap ózeninen Almaz aralyna aparatyn tar kópir ústinde oryn aldy.
Bul týraly eldiń premer-mınıstri Hýn Senniń sózine silteme jasaı otyryp Bı-Bı-Sı agenttigi habarlady.
Oqıǵany óz kózimen kórgenderdiń aıtýynsha, kópirdegi tártipsizdikter bir top adam arasynda birneshe adam esinen tanyp qalǵan soń bastalǵan. Merekege qatysamyz degen keıbir adamdar adam aıaǵynyń astynda taptalyp qalsa, keıbireýleri ózenge qulap, batyp ketken. Bir top adam kópirden ketken kezde oqıǵanyń júzdegen qurbandary jerde jatqan.
Bılik bolsa kóz jumǵandardyń sany áldeqaıda kóp bolýy múmkin ekenin aıtady, oqıǵa saldarynan kem degende 329 adam zardap shekti.
Pnompen qalasy Úndiqytaıdyń eń iri sý kúre jolynda, Mekong ózenine quıylysyndaǵy Tonlesap ózeninde ornalasqan. Sýdyń keri aınalý qubylysynyń merekesi tamasha sáttermen atalyp ótiledi, Kambodjadaǵy jańbyrly maýsym aıaqtalyp, qurǵaq maýsymǵa aýysqan kezde ózenniń aǵysy aýysyp, Mekonga ózeninen Tonlesap aralyna qaraı aǵa bastaıdy.
Osy oqıǵany Kambodja eli jappaı toılaýǵa shyǵyp, Pnompen qalasynda halyqtyń basym bóligi jınalatyn.
