Kambodja úkimeti astanadaǵy dańǵylǵa Sı Tszınpınniń esimin berdi

ASTANA. KAZINFORM — Kambodja premer-mınıstri Hýn Manet seısenbide (28 mamyr) el astanasy Pnompendegi negizgi jolǵa Qytaı tóraǵasy Sı Tszınpınniń esimi beriletinin habarlady.

Sc-times.com habarlaǵandaı, Kambodja úkimeti baspasóz habarlamasynda Hýn Manaıdyń seısenbi kúni Pnompendegi Úshinshi aınalma joldaǵy Sı Tszınpın dańǵylynyń ashylý rásimine qatysqanyn habarlady. Málimetter boıynsha, Sı Tszınpın dańǵyly aınalma joldyń birinshi tas jolynan tórtinshi tas jolǵa deıingi bóligin qamtıdy.

Kambodja úkimeti bul árekettin «osy elge jasaǵan uzaq merzimdi qoldaýy men kómegi úshin Qytaıǵa alǵys bildirý» dep túsindirdi.

Kambodja premer-mınıstri Hýn Manet de Qytaıdyń «Bir beldeý, bir jol» josparynyń Kambodjanyń áleýmettik-ekonomıkalyq damýyna septigin tıgizgenin aıtyp, eki el arasyndaǵy qarym-qatynastyń «bir-birinen ajyramas deńgeıge» jetkenin basa aıtty.

Sı Tszınpın dańǵyly uzyndyǵy – 53 shaqyrym, eni – 22 metr, quny – 273 mıllıon AQSh dollary. Ony Shanghai Construction Engineering Group salǵan.

Joba Qytaı úkimeti beretin jeńildetilgen nesıeler esebinen qarjylandyrylady, sonymen qatar Kambodja úkimeti de qarajat beredi.