Kambodja men Taıland shekarasynda XI ǵasyr hramy úshin urys júrýde
ASTANA. 7 aqpan. QazAqparat - Taıland pen Kambodja qarýly kúshteriniń arasyndaǵy urys barysynda XI ǵasyrdyń býddıstik hramy buzyldy. Bul tarıhı eskertkish eki el arasyndaǵy daý-damaıdyń negizi bolyp tabylady, dep habarlaıdy RBK.
Kambodja ásker ókilderi atap ótkendeı, hramnyń bir bóligi taı áskeriniń artıllerııalyq soqqysynan keıin buzylǵan. Taı áskeriniń ókilderi bul aqparatqa túsinikteme bermeı otyr.
Kambodja men Taıland shekaralyq aımaqta ornalasqan kóne býddıstik hramnyń qaı tarapqa tıesiligin daýlap keledi.
Kambodja men Taıland shekarasyndaǵy qarýly qaqtyǵys birneshe kúnnen beri jalǵasýda. Eki eldiń áskerleri mınomet jáne artıllerııa qoldaný ústinde. Ózara oq atysýdyń nátıjesinde bes adam qaza boldy.
