Kambodja men Taıland BUU QK shekara qaqtyǵysy jónindegi otyrysyna qatysty

ASTANA. KAZINFORM - Kambodja men Taıland ókilderi BUU Qaýipsizdik Keńesiniń otyrysynda jalǵasyp jatqan shekaralyq qaqtyǵys týraly aıtty, dep habarlaıdy Sınhýa.

Kambodja atysty toqtatýǵa shaqyrdy, al Taıland ekinshi taraptan «dushpandyq áreketti toqtatyp, dıalogty jalǵastyrýdy» talap etti. BUU janyndaǵy Kambodjanyń turaqty ókili Keo Chhea eki el arasyndaǵy shekara qaqtyǵysyn dereý toqtatýǵa shaqyrdy.

— Kambodja atysty dereý toqtatýdy talap etti, sózsiz, sonymen qatar biz de beıbit jolmen /shekaraǵa baılanysty/ daýdy sheshýge shaqyramyz, - dedi Kambodja dıplomaty BUU Qaýipsizdik keńesiniń jabyq otyrysynan keıin jýrnalısterge.

BUU Qaýipsizdik Keńesi juma kúni tústen keıin Kambodja premer-mınıstri Hýn Manettiń ótinishi boıynsha shuǵyl otyrys ótkizdi.

Taılandtyń Syrtqy ister mınıstrligi habarlaǵandaı, BUU janyndaǵy eldiń elshisi jáne turaqty ókili Cherdchaı Chaıvaıvıd juma kúni BUU Qaýipsizdik Keńesinde Taıland BUU Jarǵysyna sáıkes daýlardy beıbit jolmen sheshýge berik bola otyryp, halyqaralyq daýlardy sheshý quraly retinde kúsh qoldanýdan úzildi-kesildi bas tartatynyn aıtty.

Onyń aıtýynsha, Taıland sońǵy eki aıda ártúrli ekijaqty tetikter arqyly Kambodjamen belsendi túrde baılanysta bolǵan. Biraq Kambodja ádeıi maǵynaly dıalogtan aýlaq boldy jáne onyń ornyna bul máseleni óziniń saıası maqsattary úshin ınternatsıonaldandyrýǵa tyrysty.

— Taıland Kambodjany barlyq dushpandyq áreketteri men agressııalyq áreketterin dereý toqtatýǵa jáne adal nıetpen dıalogty qaıta bastaýǵa shaqyrady, - dedi Taıland dıplomaty.

Aıta keteıik, Taıland pen Kambodja qaqtyǵysy teńiz kýrortyna jaqyndady, qaza tapqandar sany kóbeıdi.