Kambodja Donald Trampty Nobel beıbitshilik syılyǵyna usynbaq
ASTANA. KAZINFORM — Kambodja AQSh prezıdenti Donald Trampty Nobeldiń beıbitshilik syılyǵyna usynýdy josparlap otyr, dep habarlaıdy Reuters.
Bul týraly juma kúni Kambodja premer-mınıstriniń orynbasary Sýn Chantol málimdedi. Ol Tramptyń Kambodja men Taıland arasyndaǵy jaqynda bolǵan qaqtyǵysty retteýge tikeleı aralasqanyn atap ótti.
Buǵan deıin Pnompen qalasynda jýrnalıster aldynda sóılegen Sýn Chantol beıbitshilik ornatýǵa yqpal etkeni úshin Trampqa alǵys bildirip, onyń halyqtar arasyndaǵy dostyqty nyǵaıtýǵa úlken úles qosqan tulǵa retinde bul bedeldi halyqaralyq marapatqa laıyq ekenin aıtty.
Eske salaıyq, Kambodja men Taıland arasyndaǵy bes kúnge sozylǵan áskerı qaqtyǵystan keıin 29 shilde kúni jergilikti ýaqytpen 00:00-de (Astana ýaqytymen 28 shilde saǵat 22:00) eki eldiń shekaralas aımaqtarynda «jedel ári sózsiz atysty toqtatý» týraly kelisim kúshine endi.
Maýsym aıynda Pákistan AQSh prezıdentin Úndistan men Pákistan arasyndaǵy sońǵy daǵdarystaǵy «dıplomatııalyq róli men kóshbasshylyǵy» úshin 2026 jylǵy Nobel beıbitshilik syılyǵyna usynǵan edi.