Qambar batyr jyryn jatqa aıtqan qyzdyń ustazy baıqaýdan kólik minip qaıtty

ShYMKENT. QazAqparat - Ońtústik Qazaqstan oblysynda oqýshylar arasynda erekshe baıqaý ótti. Jyr-dastandardy jatqa aıtýdan ótken saıysqa aýdan, qalalardan iriktelgen balalar qatysty, dep habarlaıdy QazAqparat HAA tilshisi.

«Jaqsylar, dastan aıtaıyq» atty jas jyrshylar baıqaýyn «Ońtústik Qazaqstan» oblystyq gazeti uıymdastyrdy. Basylymnyń qazaqsha kúresten jyl saıyn ótkizetin dástúrli týrnırinen búgingi baıqaýdyń bási joǵary boldy. Sebebi, mektep qabyrǵasynda  bilim alyp jatqan oqýshylardyń sanasyna batyrlardyń erik jigerin sińirip,  rýhy myqty qaısar azamat qylyp tárbıeleýdiń mańyzy zor. Onyń ústine uıaly telefon qoldan túspeıtin zamanda jetkinshekterdiń ádebıetke degen qyzyǵýshylyǵyn oıatý baıqaýdy uıymdastyrýdaǵy basty maqsat boldy.

Sonymen erekshe baıqaýda oqýshylar batyrlar jyryn jatqa aıtyp, qazylar alqasynyń suraqtaryna jaýap berdi. Úshinshi talap boıynsha Qambar batyr jyryndaǵy kónergen sózderdiń maǵynasyn ashyp, aıtyp berýi tıis boldy. Baıqaý qorytyndysy boıynsha bas júldeni túrkistandyq Gúljaına Elmuratova enshilep, 200 myń teńge syıaqyǵa ıe boldy. Al onyń ustazy Maıra Nazarbekova temir tulpardy minip qaıtty.