Kamazdar sherýi: Almaty turǵyny áıeli men balasyn perzenthanadan júk kóligimen alyp ketti
ALMATY. QazAqparat- Almaty turǵyny áıeli men ulyn perzenthanadan shyǵaryp alý úshin bes «Kamazben» keldi, dep habarlaıdy QazAqparat tilshisi.
Búgin Almatynyń №4-shi perzenthana qyzmetkerleri erekshe kórnistiń kýási boldy. Er adam áıeli men ulyn bes «Kamaz» avtokóligimen alyp ketýge keldi.
Gúlmıra Batyrbaı 27 naýryzda dúnıege ul alyp keldi. Onyń salmaǵy 3 keli 900 gramm, boıy 55 sm.
«Bizdiń eki balamyz bar – ul jáne qyz. Bul bizdiń úshinshi balamyz. Ulymyzǵa Aıtóre degen esim berdik. Meniń kúıeýim KAMAZ avtokóliginiń júrgizýshi bolyp jumys isteıdi. Perzenthanadan shyǵarýdyń osylaı bolǵany men úshin naǵyz tosynsyı boldy. Men jubaıymnyń osyndaı saltanatty sherýmen keledi dep oılamadym. Men óte baqyttymyn! Men úshinshi balamdy №4-shi perzenthanada dúnıege ákeldim. Osyndaǵy barlyq medıtsına qyzmetkerlerine alǵys aıtamyn», - deıdi Gúlmıra Batyrbaı.
