«KamAZ» kóligimen soqtyǵysqan: Aqmola oblysynda jol apatynan 16 jastaǵy qyz kóz jumdy

ASTANA. KAZINFORM – Aqmola oblysyndaǵy «Astana-Petropavl» tas jolyndaǵy jol apatynan jasóspirim kóz jumdy, dep habarlaıdy Kazinform tilshisi.

Oblystyq polıtsııa departamentiniń málimetinshe, atalǵan tas jolda Hyundai Santa Fe jáne KamAZ-55111 kólikteri soqtyǵysqan. 

– Jol apatynan Hyundai Santa Fe kóligindegi 16 jastaǵy jolaýshy kóz jumdy. 65 jastaǵy jolaýshy túrli dene jaraqatymen aýrýhanaǵa jetkizildi, - dep habarlady vedomstvodan. 

Qazir polıtseıler sotqa deıingi tergeý amaldaryn júrgizip jatyr, onyń qorytyndysy boıynsha protsessýaldyq sheshim qabyldanady. 

Eske sala keteıik, buǵan deıin jyl basynan beri alty aıda elimizde 15 698 jol-kólik apaty bolǵanyn jazǵan edik.