KamAZ-dan qulaǵan qubyrlardyń astynda qalǵan qyzǵa dárigerler ota jasamaqshy
ALMATY. QazAqparat - Jol apatynda júk kóliginen qulaǵan aýyr qubyrlar astynda qalǵan qalǵan boıjetkendi dárigerler ota jasaýǵa daıyndap jatyr, dep habarlaıdy QazAqparat tilshisi.
Qalalyq Densaýlyq saqtaý basqarmasy baspasóz qyzmetiniń habarlaýynsha, boıjetken №4 aýrýhananyń jaraqat bólimine aýyr jaǵdaıda túsken.
«Onyń jambas súıegi synyp ketken. Qazirgi tańda patsıentke ota jasaýǵa daıyndalyp jatyrmyz», - dedi
Aıta ketý kerek, Almatyda jylý jelisiniń qubyrlaryn tasymaldap bara jatqan KamAZ júk kóligi jol apatyna ushyraǵan bolatyn. Júrgizýshi burylysqa kelgende rólden aıyrylyp qalyp, qubyrlar aýdarylǵan tirkemeden syrǵyp túsken. Sol kezde dıametri shamamen 60 sm bolatyn temir qubyrlar dóńgelep baryp joldan ótip bara jatqan qyzdy jaraqattaǵan .
