Qamaýǵa alynǵan qostanaılyq ózine qol jumsamaq boldy
QOSTANAI. QazAqparat - Tergeýge alynǵan Qostanaı turǵyny ózine qol jumsap, jazadan qashpaq bolǵan, dep habarlaıdy QazAqparat.
Aqparatty oblystyq ІІD baspasóz qyzmeti rastady. Іs materıaldaryna súıensek, eki kúdikti Naberejnaıa kóshesinde 50 jastaǵy er adamnyń úıine kirip, onyń noýtbýgyn tartyp alyp ketken. Qazir atalǵan fakti boıynsha QR QK 192-baby («Tonaý») boıynsha sotqa deıingi tergeý amaldary bastaldy.
«Tergeýge alynǵan kúdikti Qostanaı qalalyq ІІB ǵımaratynda kantselıarııa pyshaǵymen óziniń qolyn keskilegen. Oǵan alǵashqy medıtsınalyq kómek kórsetildi. Sotqa deıingi óndiriste anyqtalǵandaı, ol sýıtsıd jasaý arqyly jazadan qashpaq bolǵan», - deıdi ІІD baspasóz qyzmetindegiler.
Kúdiktiler ýaqytsha ustaý ızolıatoryna qamaýǵa alyndy.
