Qamaýǵa alynǵan Qostanaıdyń eks-ákimi jazany jeńildetýdi surady
QOSTANAI. QazAqparat - Qostanaı qalasynyń №2 sotynda Qostanaı qalasynyń burynǵy ákimi Ahmetbek Ahmetjanovty shartty túrde merziminen buryn bosatý týraly ótinish qarala bastady, dep habarlaıdy QazAqparat.
Qostanaı qalasynyń burynǵy ákimi Ahmetbek Ahmetjanovtyń jazasyn qonys kolonııasynda ótep jatqanyna 8 aı boldy. Endi ol merzimniń qalǵan bóligin aıyppulǵa aýystyrýdy suraıdy. Jaqyn ýaqytta sot sheshimi shyǵady.
Eske salsaq, 2016 jyly Ahmetbek Ahmetjanov iri kólemde para alǵany, laýazymdyq ókilettigin teris paıdalanǵany, kásipkerlik qyzmetke kedergi keltirgeni úshin 13 jylǵa bas bostandyǵynan aıyrylǵan bolatyn.
Sonymen qatar, Qostanaı qalasy ákiminiń burynǵy orynbasary Maqsut Qalıev para alýǵa deldal bolǵany úshin, Gagık Ovnanıan birneshe ret iri kólemde para bergeni úshin sottalǵan-dy. Degenmen, byltyr apellıatsııalyq alqa keıbir sottalǵandarǵa úkim merzimin azaıtyp, Maqsut Qalıev pen Gagık Ovnanıandy bostandyqqa shyǵardy.
Qostanaı qalasynyń burynǵy ákimi de raqymshylyqqa iligip, Shyǵys Qazaqstan oblysy Jarma aýdandyq sotynyń qaýlysymen Ahmetjanov eń tómengi qaýipsizdik mekemesine aýystyryldy.
