Qamaýǵa alynǵan Ystanbul meri Imamoǵly sot aldynda jaýap berdi

ASTANA.KAZINFORM - Ystanbuldyń qamaýǵa alynǵan oppozıtsııalyq meri ózine qarsy qozǵalǵan kóp istiń biri boıynsha sot aldynda jaýap berdi, dep habarlaıdy Euronews.

Ekrem Imamoǵly 23 naýryzda sybaılas jemqorlyq pen terrorızmge qatysty resmı aıyp taǵylǵan soń Ystanbuldyń batysyndaǵy Sılıvrı túrmesinde otyr.

Alaıda qazirgi sot isi bólek qaralyp jatyr jáne onda Imamoǵlynyń Ystanbul prokýrory Akın Gıýrlekke qoqan-loqqy jasady degen boljam aıtyldy.

Aıyptaýlar Túrkııanyń eń iri qalasy ákiminiń Gıýrlekti basqa oppozıtsııa ókilderine qarsy qozǵalǵan qylmystyq isteri úshin synaǵan sózderinen týyndap otyr.

- Men Ystanbulda úsh ret saılaýda jeńiske jetkendikten osy jerde otyrmyn. «Kim Ystanbulda jeńiske jetse, Túrkııada da jeńiske jetedi» degen pikirdi joqqa shyǵarǵanym úshin osy jerde otyrmyn. Sońǵysy óziniń úlken saıası mansabyn Ystanbul meri retinde bastaǵan el prezıdenti Rejep Taıyp Erdoǵanǵa naqty ıshara boldy, - dedi Imamoǵly.

Tyńdaýǵa Imamoǵlynyń áıeli men uly, sondaı-aq Respýblıkalyq halyq partııasy (CHP), Halk TV jáne basqa da aqparat quraldary qatysty.

Іsti qaıta qaraý 16 maýsymǵa shegerildi.

Imamoǵly alǵashynda 19 naýryzda eki tergeýge baılanysty ustalǵan bolatyn: biri Ystanbul mýnıtsıpalıtetindegi sybaılas jemqorlyqqa qatysty, ekinshisi kúrdterdi qoldaıtyn saıasatkerlermen óz partııasynyń saılaý kelisimindegi terrorızmge qatysy bar.

Onyń bosatylýyn talap etken sherýler 2000-ǵa jýyq adamnyń qamaýǵa alynýyna ákeldi.

Qamaýda bolǵan kezde ákim resmı túrde JEO prezıdenttigine kandıdat retinde usynyldy.

Saılaý 2028 jyly ótedi, biraq erterek ótýi múmkin jáne Imamoǵlynyń túrmege qamalýynyń saıası astary bar delingen. Alaıda túrik úkimeti sot júıesi táýelsiz jáne saıası yqpaldan azat ekenin alǵa tartady.

Sondaı-aq juma kúni Ystanbuldyń taǵy eki sotynda Imamoǵlyǵa qatysty is boıynsha tyńdaý ótti. Sonyń biri – 10 jyl buryn Ystanbuldyń Beılıkdýzý aýdanynyń meri bolǵan kezdegi tenderdi burmalaý isi.

Taǵy birinde zańsyz aqsha jınaý týraly aıyptar bar. Bul ótken jylǵy jergilikti saılaý qarsańynda taratylǵan vıdeoda JEO ofıtserleriniń qolma-qol aqshany sanap jatqany kórsetilgen.

Buǵan deıin Ekrem Imamoǵly Ystanbul meri qyzmetinen bosatylǵany habarlanǵan bolatyn.