Qamaýdan shyqqandar týberkýlezden emdelý sharalaryn jalǵastyrmaıdy - ІІM
ASTANA. 24 qazan. QazAqparat - Búginde qamaýdan shyqqan azamattar, kóp jaǵdaıda, týberkýlez aýrýyn emdeý sharalaryn jalǵastyrmaı jatady.
Bul týraly búgin Astanada bastalǵan konferentsııada QR Іshki ister mınıstrliginiń Qylmystyq atqarý júıesi komıteti tóraǵasynyń orynbasary Janat Keshýbaev málim etti.
Onyń habarlaýynsha, osy ýaqytqa deıin qamaý abaqtysynda týberkýlezben aýyryp, em-domyn aıaǵyna deıin almaǵandardyń 60 paıyzy bostandyqqa shyqannan keıin jergilikti jerde tirkeýge turady. «Biz ondaı azamattardyń tolyq tizimin Densaýlyq saqtaý mınıstrligine jiberip otyramyz. Alaıda olar erkin adamdar bolǵannan keıin turǵylyqty jerlerine kóp bara qoımaıdy. Biz úshin bul - basty ári mańyzdy problema. Sebebi osy toptaǵy azamattar týberkýlez dertin qoǵam arasynda taratyp, halyqtyń densaýlyǵyna qaýip tóndirip júr», - deıdi J.Keshýbaev.
Komıtet tóraǵasynyń orynbasary atap kórsetkendeı, búgingi tańda týberkýlez aýrýyn emdeý salasynda qalyptasqan problemalardyń biri - atalǵan derttiń dári-dármekke berilmeýi. «Bylaısha aıtqanda, týberkýlezdiń jańa formalary paıda bolyp, dáriniń yrqyna jyǵylmaı jatady», - deıdi J.Keshýbaev.
