Qamaýdaǵy 68 adamnyń ólimine kúdikti polıtseıler ustaldy
ASTANA. QazAqparat - Venesýelanyń Valensııa qalasyndaǵy ızolıatorda 68 adamnyń ólimine sebepshi boldy degen kúdikpen bes polıtseı ustaldy.
Bul jaıly Venesýela bas prokýrory Tarek Ýılıam Saab Týıtterdegi paraqshasynda málim etti.
«Karabobo shtaty polıtsııasynyń bes qyzmetkerin ustaýǵa order berildi. Olar jergilikti polıtsııa basqarmasynyń ızolıatorynda 68 azamattyń ólimine ákep soqtyrǵan qaıǵyly oqıǵalarǵa qatysy bar degen kúdikke ilikti. Kúdiktiler ustaldy», - dep jazdy bas prokýror.
28 naýryz, sársenbi kúni Valensııa qalasyndaǵy jergilikti polıtsııa basqarmasynyń oqshaýlaǵyshynda tártipsizdikter men órt bolyp, sonyń saldarynan 68 adam qaza tapqan edi. Osy oqıǵa jurtshylyqty qatty alańdatqan. Qazir tergep-tekserýler júrgizilip jatyr.
