Qamaý abaqtysynda týberkýlezden qaıtys bolý jaǵdaılarynyń sany joǵary bolyp tur - Halyqaralyq túrme reformasy uıymy
ASTANA. 24 qazan. QazAqparat - Búginde Qazaqstandaǵy qamaý abaqtylarynda týberkýlezden qaıtys bolý jaǵdaılarynyń sany joǵary bolyp tur. Búgin Astanada qylmystyq atqarý júıesi men odan keıingi ortada týberkýlezdiń aldyn alý máselelerine arnalǵan konferentsııada Ortalyq Azııadaǵy «Halyqaralyq túrme reformasy» uıymynyń aımaqtyq dırektory Sáýle Mektepbaeva osy máseleni atap ótti.
Onyń habarlaýynsha, ótken jyly qazaqstandyq túrmelerde týberkýlezben aýyratyn 330 adam qaıtys bolsa, bıyl toǵyz aıdyń ishinde olardyń sany 205 adamdy qurady. Jalpy, búginde qamaýda otyrǵan 1803 azamat týberkýlezben aýyrady. Statıstıka boıynsha túrmede atalǵan qaterli dertten qaıtys bolatyn adamdardyń sany azamattyq qoǵamdaǵy kórsetkishten 9 ese artyq bolyp tur. «Búginde týberkýlezge shaldyqqandardy toptap ustaıdy. Bul derttiń taralýyna sebep bolyp otyr. Negizi, ondaı toptaǵy azamattardy jeke kameralarda ustaıtyn ýaqyt keldi», - deıdi S.Mektepbaeva.
