Kamaljan Nadyrov: Koronavırýspen kúresýge qosymsha dárigerler men volonterler qajet
ALMATY. QazAqparat - Almaty qalalyq qoǵamdyq densaýlyq saqtaý basqarmasynyń bastyǵy Kamaljan Nadyrov qaladaǵy juqpaly jáne provızorlyq aýrýhanalarda medıtsınalyq kadrlar jetispeı jatqanyn aıtty, dep habarlaıdy QazAqparat tilshisi.
«Ókinishke qaraı, pandemııa uzaqqa sozyldy. Tórt aıdan beri meniń áriptesterim aldyńǵy qatarda, táýlik boıy pandemııamen kúresýde. Qalyptasqan kúsh-jigerge qaramastan, jaǵdaı bizden qosymsha kúsh jumyldyrýdy, qosymsha aýrýhanalar uıymdastyryp, alǵashqy medıtsınalyq-sanıtarlyq kómekti kúsheıtýdi talap etedi», - dedi Kamaljan Nadyrov.
Onyń aıtýynsha, osyǵan baılanysty medıtsınalyq kadrlardyń qazirgi jáne bolashaqtaǵy qajettiligin qamtamasyz etý úshin qosymsha mamandardy jumyldyrý qajet bolyp otyr.
«Qazirgi ýaqytta juqpaly aýrýhanalarda, provızorlyq statsıonarlarda jáne zerthanalarda jumys isteıtin dárigerler, orta jáne kishi medıtsına qyzmetkerleri, volonterler qajet. Biz medıtsına qyzmetkerlerin pandemııamen kúresýge kómektesýge shaqyramyz», - dedi ol.
