Kamaljan Nadyrov Almatyda aýyr naýqastardyń kóbeıýine ne sebep bolǵanyn aıtty
ALMATY. QazAqparat – Almatyda jaǵdaıy óte aýyr naýqastardyń sany artty. Onyń sebebin qalalyq qoǵamdyq densaýlyq saqtaý basqarmasynyń basshysy Kamaljan Nadyrov brıfıng barysynda aıtty, dep habarlaıdy QazAqparat tilshisi.
«Biz aýyr naýqastar sanynyń ósýi qant dıabeti, arterııalyq gıpertenzııa, júrek aýrýlary sııaqty qosymsha aýrýlary bar naýqastardyń kóbeıýine baılanysty degen qorytyndyǵa keldik. Sondaı-aq aýrýdyń aýyrlyǵy men naýqastardyń jas ereksheligi arasyndaǵy baılanys anyq baıqalady. Jaı-kúıi aýyr jáne óte aýyr patsıentterdiń arasynda 80%-dan astamy - 60 jastan asqan adamdar (8,8%)», - deıdi densaýlyq saqtaý basqarmasynyń basshysy Kamaljan Nadyrov.
Epıdemııa bastalǵannan beri qalada jalpy 3429 jaǵdaı tirkeldi. 2177 adam saýyǵyp, emdeýden shyǵaryldy. 20 patsıent qaıtys boldy. Búgingi kúni qala statsıonarlarynda 1388 patsıent em alýda.
Qalada óte aýyr jaǵdaıda - 20, aýyr dárejede - 150, ortasha jaǵdaıda - 1022 jáne qanaǵattanarlyq jaǵdaıda - 194 patsıent bar.
«Búgingi kúni ókpeni jasandy jeldetý apparatyna - 10, ókpeniń ınvazıvti emes jasandy jeldetýge – 16 patsıent qosylǵan. Bos apparattar – 23. Jalpy dınamıkada syrqaty aýyr jáne óte aýyr dárejede júrip jatqan patsıentterdiń kóbeıgeni baıqalady», – dedi Kamaljan Nadyrov.
