Kamal Smaıylovtyń týǵanyna - 80 jyl
ASTANA. 4 mamyr. QazAqparat - Onyń qazaq kınosynyń tarıhynda ózgeshe izi jatyr. Qazaq rejıssýrasynyń alyptarymen birge qazaq kıno ónerinde qaıtalanbas týyndylardy dúnıege ákelgen Kamal Smaıylovtyń esimi qazaq mádenıetiniń tarıhynda altyn áriptermen jazýly tur.
Qazaq ónerine, qazaq jýrnalıstıkasyna ólsheýsiz úles qosqan jan qazaqtyń mádenıeti men qazaqtyń rýhanııaty úshin aıanbaı ter tókti. Kommýnıstik qoǵamnyń yzǵaryna qaramastan, keńestik ıdeologııanyń tsenzýrasynan attap ótip, ol Ultyna qajetti dúnıeni jasap, artyna óshpes iz qaldyrdy. dep jazady »Túrkistan» gazeti qazaq mádenıetiniń marqasqalarynyń biri - Kamal Smaıylovtyń týǵanyna 80 jyl tolýyna oraı.
