Kamal Qarmysov óz baqytyn teatrdan tapty - Sábıt Orazbaev
ALMATY. 19 naýryz. QazAqparat - Kamal Qarmysov satıralyq beınelerdiń has sheberi edi Bul týraly búgin Almatydaǵy Qazaqtyń Muhtar Áýezov atyndaǵy akademııalyq drama teatryndaǵy «Teatr kóktemi-2013» festıvaliniń ashylý rásimine arnalǵan baspasóz máslıhatynda aıtyldy.
«Bul festıval bıyl KSRO halyq ártisi, Memlekettik syılyqtyń laýrety Kamal Qarmysovtyń 100 jyldyǵyna arnalyp otyr. Kamal óz baqytyn teatrdan tapqan akter. Serke Qojamqulov, Qalıbek Qýanyshbaev sııaqty sahnadaǵy serikteriniń aıtýynsha, ol óte elgezek, bárin tez qabyldaıtyn qaǵylez jáne jady da óte myqty bolǵan. Ol akter úshin taptyrmaıtyn qasıet qoı. Bir ereksheligi, sahnada salmaǵy jerdeı, armany aspandaı bop ketetin», - deıdi Qazaqstannyń halyq ártisi Sábıt Orazbaev. Onyń aıtýynsha, óziniń áıgili zamandastarynan kem bolmaǵan ol týa bitken qabiletimen jarqyrap kórine aldy. Máselen «Qozy Kórpesh Baıan sulýdaǵy» Jantyqtyń rólin tuńǵysh somdaǵan Kamal Qarmysovtan áli kúnge deıin eshkim asyryp oınaı almaýda.
