«Qaljat» keden beketinde kóliktik-logıstıkalyq ortalyq salynady - KBK
ASTANA. 10 shilde. QazAqparat - Qazaqstanda Qazaqstan-Qytaı shekarasynda ornalasqan «Qaljat» keden beketiniń janynda shekaramańy kóliktik-logıstıkalyq ortalyqtyń qurylysy josparlanǵan,
dep habarlady QR Premer-Mınıstrdiń resmı saıty Qarjy mınıstrligi Kedendik baqylaý komıtetiniń baspasóz qyzmetine silteme jasap.
«Qazaqstan-Qytaı shekarasynda ornalasqan «Qaljat» keden beketiniń janynda shekaramańy kóliktik-logıstıkalyq ortalyqtyń qurylysy josparlanǵan. Kóliktik-logıstıkalyq ortalyq (KLO) qurý «Batys Qytaı - Batys Eýropa» halyqaralyq kóliktik-logıstıkalyq júıege Qazaqstannyń yqpaldastyǵyna kómektesedi»,- delingen komıtet aqparatynda.
Sonymen qatar, KLO óńir ekonomıkasyn damytýdy, kóliktik-logıstıkalyq shyǵyndardy azaıtýdy qamtamasyz etedi, kóliktik-logıstıkalyq qyzmetter naryǵy úshin qolaıly jaǵdaılar jasaıdy, sonymen qatar óńirde qosymsha jumys oryndaryn qalyptastyrady.
Sarapshylardyń aıtýynsha, respýblıkanyń shekaralyq ótkelderinde kóliktik-logıstıkalyq ınfraqurylym qurylysy taýar almasý kólemderin arttyryp, kóliktik-tranzıttik áleýetti paıdalaný tıimdiligin arttyrýǵa múmkindik beredi.
Budan ózge, Qazaqstannyń ósip kele jatqan syrtqy saýda aınalymy, júk tasymaldaýdyń eksporttyq-ımporttyq ósýi jaǵdaıynda taýar jáne kóliktik aǵyndardy óńdeý, onyń ishinde júkterdi kedendik óńdeý boıynsha logıstıkalyq qyzmetterdiń barlyq spektrin usynýǵa qabiletti arnaıy termınaldyq keshenderge joǵary suranys paıda bolady.
