Qalypty ómirge oralý úshin ujymdyq ımmýnıtet qajet – Altaı Kólginov
NUR-SULTAN. QazAqparat - Nur-Sultan qalasynyń ákimi Altaı Kólginov Instagram paraqshasynda vaktsınanyń birinshi komponentin 170 myńǵa jýyq elordalyq alǵanyn aıta kele mektepterdiń oflaın formatqa qashan kóshetinin málim etti, dep habarlaıdy qala ákimdiginiń resmı saıty.
«Bir jyldan astam ýaqyt buryn pandemııa bastalyp, bul indettiń barlyq jaǵymsyz saldaryn bildik. Osy jyldyń basynan beri turǵyndardy vaktsınalaý bastaldy. Vaktsınatsııa – COVID-19 jeńýdiń, densaýlyǵyńyzdy, týystaryńyz ben aınalańyzdaǵy adamdardyń densaýlyǵyn qorǵaýdyń jalǵyz tıimdi ádisi. Qalypty ómirge oralý úshin ujymdyq ımmýnıtetti qalyptastyrý qajet.
Koronavırýspen kúreste aldyńǵy shepte kele jatqan muǵalimder, medıtsına qyzmetkerleri, tártip saqshylary, áleýmettik qyzmetkerler jáne t. b. birinshi kezekte vaktsına alýy kerek. Óıtkeni olar tek ózderin ǵana emes, naýqastardy, oqýshylardy qaýipsizdiginiń kepili bolady. Osylaısha asa qaýipti indetten arylýǵa bolady.
Qazir jaz mezgili, kóptegen adamdar demalysqa shyǵatyn kez. Al 1 qyrkúıekten bastap jańa oqý jyly bastalady. Oqý formaty ujymdyq ımmýnıtet pen pedagogtardyń ekpe alý kórsetkishine baılanysty bolady. Qazir muǵalimderdiń ekpe salý kórsetkishi 40%-dan asty. Biraq bul mektepterdi oflaın formatta ashý úshin jetkiliksiz. Oqýshylar da, ata-analar da oflaın-oqytý formatyna oralǵysy keledi dep aıtsam qatelespeımin. Óıtkeni muǵalim-oqýshy tet-a-tet formatynda bilim alǵanǵa eshteńe jetpeıdi.
Ujymdyq ımmýnıtetke qol jetkize otyryp, qala burynǵy qalypty ómirge orala alady. Barlyq qoǵamdyq oryndar ashylyp, qyzmetkerler qashyqtan jumys formatynan oralyp, oqýshylar oflaın formatta oqı bastaıdy, bıznes nysandary da burynǵydaı jumys isteıdi.
Búgingi tańda vaktsınanyń birinshi komponentin elordanyń 170 myńǵa jýyq turǵyny aldy. Egý pýnktteri emhanalarda, SOO, SÚ jáne basqa da qoǵamdyq oryndarda ornalastyrylǵan. Іndetti jeńý árqaısymyzǵa baılanysty ekenin esten shyǵarmaǵan jón», - deıdi elorda ákimi.
