Qalyńmal ornyna - mıllıon «laık»
ASTANA. 20 jeltoqsan. QazAqparat - Iemende Sálem Aıash esimdi aqyn bolashaq kúıeý balasynan qalyńmal ornyna mıllıon «laık» talap etip otyr.
Onyń Facebook-tegi óleńin «unatqandardyń» qatary osy mejege jetpese, Aıash qyzyn súıgenine qospaýy múmkin.
Jastardyń qosylýyn qalaıtyn qoldanýshylar qazir Sálem Aıashtyń jelidegi betine kirip, belsendi túrde daýys berip jatyr. Nitech.newsru.com-nyń habarlaýynsha, búkil álem bolyp, «laık» basylmasa, mıllıon daýysty ıemendikter óz kúshimen bere almaıdy. Sebebi 25 mıllıonnan astam halqy bar bul elde Facebook-ti tutynýshylar sany asa kóp emes kórinedi. Qudalarynan «elektrondy» qalyńmal talap etip otyrǵan Aıash óz áreketimen ǵalamdyq jelige qyzyǵýshylyqty arttyrmaqshy, sondaı-aq azamattardyń nekelesý saltyn jeńildetýdi kózdeıdi, dep jazady «Alash aınasy» basylymy.
