Qalyńdyǵyna 148 ret usynys jasaǵan ǵashyq jigit - VIDEO
ASTANA. QazAqparat - 38 jastaǵy Reı Smıt esimdi ǵashyq jigit súıiktisine 148 ret úılenýge usynys jasapty. Er adam 5 aı boıy sezimin bildirýden jalyqpaǵan kórinedi. Osy ýaqyt aralyǵynda «Jubaıym bolasyń ba?» degen jazýy bar qaǵazdy ustap, súıiktisi ekeýiniń sýretin túsirip kelipti, dep jazady 24.kz.
«Áýel basta romantıkalyq usynys jasaımyn degen nıetpen áýe sharynda osy sózderdi jazbaq boldym. Alaıda jýyq arada áke atanatynymdy estigende, oıymda jańa oı jylt etti», - dep aǵynan jaryldy Smıt.
Eń qyzyǵy, qalyńdyǵy 33 jastaǵy Kler Bremlı eshteńeni ańǵarmapty. «Umytylmas sátterdi máńgilikke este qaldyrý úshin osynsha kóp sýretke túsiretin bolar dep oılap keldim», - deıdi jas ana.
